സോനേപത്‌: പ്രേമം കൈയ്യോടെ പിടിച്ച സഹോദരന്‍ സഹോദരിയെ കഴുത്തുഞ്ഞെരിച്ചുകൊന്നു. ഹരിയാനയിലെ ഭയിന്‍സ്വാള്‍ ഗ്രാമത്തിലാണ്‌ സംഭവം. രവി കശ്യപ്‌ എന്നയാളാണ്‌ കൊല നടത്തിയത്‌. കുറ്റം സമ്മതിച്ച ഇയാളെ ജൂഡീഷ്യല്‍ കസ്റ്റഡിയില്‍ വിട്ടു. പതിനാറുകാരിയായ സഹോദരി ഉഷയെ ഒരു ആണ്‍കുട്ടിയുമൊത്ത്‌ അരുതാത്ത സാഹചര്യത്തില്‍ കണ്ട്‌ രവി ഉഷയെ കഴുത്ത്‌ ഞെരിച്ച്‌ കൊലപ്പെടുത്തുകയായിരുന്നു. ഉഷയുടെ കാമുകന്‍ രാകേഷ്‌ കശ്യപ്‌ എന്ന പതിനെട്ടുകാരനെ ഗ്രാമത്തിലെ സ്കൂള്‍ പരിസരത്തുള്ള ഒരു വൃക്ഷത്തില്‍ തൂങ്ങി മരിച്ച നിലയിലും കണ്ടെത്തിയിട്ടുണ്ട്‌. പെണ്‍കുട്ടിയുടെ പിതാവ്‌ വയലില്‍ നിന്ന്‌ മടങ്ങിയെത്തുമ്പോള്‍ മകളുടെ മുറി അടച്ചിട്ട നിലയില്‍ കാണുകയായിരുന്നു. വിളിച്ചിട്ടും പ്രതികരണമില്ലാത്തതിനെ തുടര്‍ന്ന്‌ ചവിട്ടിത്തുറന്നപ്പോള്‍ മകളുടെ മൃതദേഹത്തിനടുത്ത്‌ മകന്‍ നില്‍ക്കുന്നതാണ്‌ കണ്ടതെന്ന്‌ അദ്ദേഹം പൊലീസിന്‌ മൊഴി നല്‍കി. പെട്ടെന്നുണ്ടായ ദേഷ്യത്തില്‍ സംഭഴിചച്ചതാണെന്ന്‌ രവി കശ്യപ്‌ പൊലീസിനോട്‌ പറഞ്ഞു. | 
No comments:
Post a Comment