അമേരിക്കയില്‍ ഇന്ത്യക്കാരനെ വെടിവെച്ചുകൊന്നു
Posted on: 21 Jun 2010
വാഷിങ്ടണ്‍: ഇന്ത്യയില്‍നിന്നുള്ള സോഫ്റ്റ്‌വെയര്‍ എന്‍ജിനീയര്‍ അമേരിക്കയിലെ ഡെട്രോയിറ്റില്‍ വെടിയേറ്റുമരിച്ചു. കൊലയാളികളെ പോലീസ് പിടികൂടി. ആന്ധ്രാപ്രദേശിലെ ചിറ്റൂരില്‍നിന്നുള്ള വെങ്കടസുബ റെഡ്ഡി (35)യാണ് ബുധനാഴ്ച ഒരു ഭക്ഷണശാലയില്‍വെച്ച് കൊല്ലപ്പെട്ടത്. ഇന്റര്‍നെറ്റ് വഴി പരിചയപ്പെട്ട മെക്‌സിക്കന്‍ യുവതിയെ കാണാനാണ് റെഡ്ഡി ഭക്ഷണശാലയിലെത്തിയത്. യുവതിയുടെ കാമുകനും ഏതാനും കൂട്ടുകാരും ഇവിടെ കാത്തിരുന്ന് റെഡ്ഡിയെ ആക്രമിച്ച് പണം അപഹരിച്ചശേഷം വെടിവെച്ചുകൊല്ലുകയായിരുന്നു. കൊലപാതകം കണ്ടവര്‍ ഉടന്‍ പോലീസിനെ വിവരമറിയിച്ചു. അഞ്ച് അക്രമികളും പിടിയിലാവുകയും ചെയ്തു. റെഡ്ഡിയുടെ മൃതദേഹം നാട്ടിലെത്തിച്ചതായി, തെലുഗു അസോസിയേഷന്‍ ഓഫ് നോര്‍ത്ത് അമേരിക്ക എക്‌സിക്യൂട്ടീവ് വൈസ് പ്രസിഡന്റ് പ്രസാദ് തോട്ടക്കര അറിയിച്ചു.
No comments:
Post a Comment