| മംഗളം മുട്ട കഴിച്ചാല് എന്തു ഗുണം? | ||||||||
മുട്ടയുടെ പ്രത്യേകതകള് മുട്ടയുടെ വെള്ളയില് പ്രോട്ടീന്റെ അളവ് ധാരാളം അടങ്ങിയിരിക്കുന്നു. ഏതാണ്ട് 70 ശതമാനം പ്രോട്ടീന് ഇതിലുണ്ട്. മഞ്ഞയില് ധാരാളം കൊഴുപ്പും ജീവകങ്ങളുമുണ്ട്. മുട്ടയുടെ വെള്ളയേക്കാള് മഞ്ഞയിലാണ് ധാരാളം ഗുണങ്ങള് അടങ്ങിയിരിക്കുന്നത്. സന്തോഫില് എന്ന ഘടകമാണ് മുട്ടയുടെ മഞ്ഞനിറത്തിന് കാരണം. നാടന്മുട്ടയിലാണ് ഗുണങ്ങള് കൂടുതലുള്ളതെന്നും ഓര്ക്കണം. മുട്ട എന്തുകൊണ്ട് ഗുണപ്രദം എല്ലുകളുടെയും പല്ലുകളുടെയും ബലത്തിനും ശരീരത്തിന്റെ ആരോഗ്യത്തിനും സഹായിക്കുന്നു. ഓര്മ്മശക്തി വര്ധിപ്പിക്കാന് മാര്ഗംതേടി നടക്കുന്നവര്ക്കും ഇനി തെല്ലൊന്ന് ആശ്വസിക്കാം. കാരണം മുട്ട ഓര്മ്മശക്തി കൂട്ടുമെന്ന് പഠനങ്ങള് തെളിയിച്ചിട്ടുണ്ട്. കൂടാതെ കാന്സറിനെ പ്രതിരോധിക്കാനും കാഴ്ചകൂട്ടാനുമെല്ലാം ഈ 'ചെറിയ വലിയ' മുട്ടയ്ക്ക് സാധിക്കും. മുപ്പത് വയസ് കഴിഞ്ഞാല് മുട്ടയുടെ മഞ്ഞ കഴിക്കുന്നത് കുറയ്ക്കണം. ആ സമയമാകുമ്പോള് മുട്ടയുടെ മഞ്ഞ ഒഴിവാക്കി വെള്ള കഴിച്ചാല് മതിയാകും. മുടിയുടെ സൗന്ദര്യത്തിന് മുട്ടയുടെ വെള്ളയില് ധാരാളമായി പ്രോട്ടീന് അടങ്ങിയിട്ടുണ്ട്. തലമുടിയുടെ വളര്ച്ചയ്ക്ക് അത്യാവശ്യവും പ്രോട്ടീന് തന്നെ. അതുകൊണ്ട് തലമുടിയുടെ സൗന്ദര്യം വര്ധിപ്പിക്കാന് ഇതൊരു ഉത്തമ ഉപാധിയാണ്. മുഖത്തിന് തലമുടിക്ക് ഗുണപ്രദമെന്നപോലെ മുഖസൗന്ദര്യത്തിനും മുട്ടയുടെ വെള്ളക്കരു ഉപയോഗിക്കാം. നന്നായി അടിച്ചുപതപ്പിച്ച വെള്ളഭാഗം മുഖത്ത് പുരട്ടി ഉണങ്ങിക്കഴിയുമ്പോള് തണുത്തവെള്ളം ഉപയോഗിച്ച് കഴുകിക്കളയാം. മുഖചര്മ്മത്തിലെ ഉപയോഗമില്ലാത്ത കോശങ്ങളെല്ലാം നശിപ്പിച്ച് മുഖത്തിന് തിളക്കം പ്രദാനം ചെയ്യാന് ഇതുകൊണ്ട് കഴിയുന്നു. അളവ് കുറയ്ക്കണം മറ്റ് ഭക്ഷണപദാര്ത്ഥങ്ങളെ അപേക്ഷിച്ച് മുട്ടയില് ധാരാളമായുള്ള പ്രോട്ടീന് കൊളസ്ട്രോളിന്റെയും കൊഴുപ്പിന്റെയും അളവ് രക്തത്തില് കൂട്ടുന്നു. അതിനാല് ഹാര്ട്ടറ്റാക്കും സ്ട്രോക്കും ഉണ്ടാകാന് സാധ്യതയുണ്ട്. പാചകം ചെയ്യുമ്പോള് മുട്ട ശരിയായ രീതിയില് പാചകം ചെയ്തില്ലെങ്കില് ഭക്ഷ്യവിഷബാധയുണ്ടാകും. ഇത് ഒഴിവാക്കാന് 5 മിനിട്ട് തിളയ്ക്കുന്ന വെള്ളത്തില് ഇട്ടുവയ്ക്കുക. പൊരിക്കുകയാണെങ്കില് രണ്ടോ മൂന്നോ മിനിട്ട് വേവിക്കുക. മുട്ടയുടെ ഗുണങ്ങള് 1. പ്രകൃതിദത്തമായുള്ള 'വിറ്റാമിന് ഡി' അടങ്ങിയ ഏക ഭക്ഷണമാണ് മുട്ട. 2. ബ്രസ്റ്റ് കാന്സര് ഉണ്ടാകുന്നത് തടയാന് മുട്ടയ്ക്ക് കഴിയുന്നു. ആഴ്ചയില് 4മുട്ട ഉപയോഗിക്കുന്ന സ്ത്രീക്ക് ബ്രസ്റ്റ് കാന്സര് വരാനുള്ള സാധ്യത 44 ശതമാനംവരെ കുറവാണ്. 3. ഒരു മുട്ടയില് 6 ഗ്രാം പ്രോട്ടീനും 9 ശതമാനം അമിനോ ആഡിഡും അടങ്ങിയിരിക്കുന്നു. ഹൈദരാബാദി ബിരിയാണി
ബസുമതി അരി - 4 കപ്പ് പുഴുങ്ങിയ മുട്ട നീളത്തില് നടുവേ മുറിച്ചത്് - 6 എണ്ണം തൈര് - 1/2 കപ്പ് സവാള - രണ്ടെണ്ണം പച്ചമുളക് - 6 എണ്ണം പുതിനയില - 20- 30 എണ്ണം മല്ലിയില - 1/2 പിടി മുളകുപൊടി - 1 ടീസ്പൂണ് മഞ്ഞള്പ്പൊടി -1/2 ടീസ്പൂണ് ഉപ്പ് - പാകത്തിന് എണ്ണ - ആവശ്യത്തിന് നെയ്യ് - 1 ടേബിള് സ്പൂണ് ഗരമസാല - 1/2 ടേബിള്സ്പൂണ് നാരങ്ങാനീര് - 1 ടേബിള്സ്പൂണ്തയാറാക്കുന്ന വിധം: അരിയുടെ ഇരട്ടി അളവില് വെള്ളത്തില് ബസുമതി അരി വേവിക്കുക. പകുതി വേവാകുമ്പോള് അതിലേക്ക്് മസാലയും, പച്ചമുളകും ആവശ്യത്തിന് ഉപ്പും ചേര്ക്കുക. ്തൈര്, മുളകുപൊടി, മഞ്ഞള്പ്പൊടി, ഗരംമസാലപ്പൊടി എന്നിവ ചേര്ത്ത് മിശ്രിതമാക്കി അതിലേക്ക് നടുവേ മുറിച്ചുവച്ചിരിക്കുന്ന മുട്ട ചേര്ത്ത് മാറ്റിവയ്ക്കുക. ചീനച്ചട്ടിയില് എണ്ണയൊഴിച്ച് അരിഞ്ഞുവച്ചിരിക്കുന്ന സവോള ഇട്ട് വഴറ്റിയെടുക്കുക. ബ്രൗണ്നിറമാകുമ്പോള് പുതിനയിലയും മല്ലിയിലയും ചേര്ത്ത് അതും മാറ്റിവയ്ക്കുക. കട്ടിയുള്ള ഒരു പാത്രത്തില് ഒരു സ്പൂണ് എണ്ണയൊഴിച്ച് ചൂടാകുമ്പോള് മുട്ട അടങ്ങിയ മിശ്രിതവും സവോളയുടെ മിശ്രിതം ഇടുക. അതിലേക്ക് നാരങ്ങാനീര് ചേര്ക്കുക. പകുതിവേവായ ചോറിടുക. മുകളില് കുറച്ച് എണ്ണയോ നെയ്യോ ചേര്ത്ത് പാത്രം നന്നായി മൂടി 20 മിനിട്ട് ചെറിയ തീയില്വയ്്ക്കുക. ശേഷം ഇതെല്ലാം നന്നായി ഇളക്കി യോജിപ്പിച്ച് ഉപയോഗിക്കാം. മുട്ടക്കറി
മുട്ട പുഴുങ്ങിയത് - 2 സവാള അരിഞ്ഞത് -2 തക്കാളി അരിഞ്ഞത് -2 പച്ചമുളക് -1 ഇഞ്ചി, വെളുത്തുള്ളി പേസ്റ്റ് - 1 ടേബിള്സ്പൂണ് മുളകുപൊടി - 1 ടീസ്പൂണ് മഞ്ഞള്പ്പൊടി - 1 ടീസ്പൂണ് ഗരംമസാല - 1 ടേബിള്സ്പൂണ് ഏലയ്്ക്ക -2 ഉപ്പ് -പാകത്തിന് മല്ലിയില - അലങ്കരിക്കാന് കറിവേപ്പില - 1 തണ്ട്തയാറാക്കുന്ന വിധം: ഒരു പാനില് നെയ്യ് ഒഴിച്ച് ചൂടാകുമ്പോള് അതിലേക്ക് കറിവേപ്പിലയും ഏലയ്ക്കാപൊടിച്ചതും ചേര്ക്കുക. അരിഞ്ഞുവച്ചിരിക്കുന്ന സവാള ബ്രൗണ്നിറമാകുന്നതുവരെ വഴറ്റി തക്കാളിയും ചേര്ത്ത് വഴറ്റുക. ഇതിലേക്ക് ഉപ്പും മഞ്ഞള്പ്പൊടിയും മുളകുപൊടിയും മസാലയും ചേര്ത്ത് 15 മിനിട്ട് ഇളക്കുക.മുട്ട രണ്ടായി മുറിക്കുക. തക്കാളി വഴന്നുവരുമ്പോള് മുട്ടയും മല്ലിയിലയും ചേര്ക്കാം. ചപ്പാത്തി, ചോറ് എന്നിവയുടെ കൂടെ ഉപയോഗിക്കാം. മുട്ട ചക്കക്കുരു ഉലര്ത്ത് ആവശ്യമുള്ള സാധനങ്ങള് മുട്ട - നാല് പുഴുങ്ങിയ ചക്കക്കുരു ഉടച്ചത് - ഒരു കപ്പ് തേങ്ങ ചിരവിയത് - കാല്കപ്പ് ജീരകം - ഒരു നുള്ള് പച്ചമുളക് - മൂന്ന് കടുക്, കറിവേപ്പില- ആവശ്യത്തിന് വെളിച്ചെണ്ണ - ഒരു ടീസ്പൂണ് ഉപ്പ് - ആവശ്യത്തിന്
മിക്സഡ് തോരന് ആവശ്യമുള്ള സാധനങ്ങള്: മുട്ട- നാല് കാരറ്റ്, ബീന്സ് കൊത്തിയരിഞ്ഞത് - കാല്കപ്പ് ചീര അരിഞ്ഞത് - കാല്കപ്പ് സവാള കൊത്തിയരിഞ്ഞത് - കാല്കപ്പ് വട്ടത്തില് അരിഞ്ഞ പച്ചമുളക് - ഒരു ടേബിള്സ്പൂണ് ഉപ്പ് - ആവശ്യത്തിന് വെളിച്ചെണ്ണ - ഒരു ടീസ്പൂണ് തയാറാക്കുന്ന വിധം: ചീനച്ചട്ടി ചൂടാകുമ്പോള് വെളിച്ചെണ്ണ ഒഴിച്ച് പച്ചമുളക്, സവാള വഴറ്റുക. ഇതിലേക്ക് ബാക്കി ചേരുവകളും ചേര്ത്തിളക്കി വഴറ്റി പാതി വെന്തുകഴിയുമ്പോള് മുട്ട പൊട്ടിച്ചൊഴിച്ച് തോര്ത്തിയെടുക്കുക. മുട്ട അവിയല് ആവശ്യമുള്ള സാധനങ്ങള് പുഴുങ്ങിയ മുട്ട - അഞ്ച് മുരിങ്ങയ്ക്ക കഷ്ണമാക്കിയത് - നാല് തേങ്ങ ചിരവിയത് - ഒരു കപ്പ് ജീരകം- രണ്ട് നുള്ള് മഞ്ഞള്പ്പൊടി - ഒരു നുള്ള് വെളുത്തുള്ളി - മൂന്ന് അല്ലി മുളകുപൊടി - ഒരു ടീസ്പൂണ് ഉപ്പ് - പാകത്തിന് വെളിച്ചെണ്ണ - ഒരു ടീസ്പൂണ് തയാറാക്കുന്ന വിധം: തേങ്ങ, ജീരകം, വെളുത്തുള്ളി, മുളകുപൊടി, മഞ്ഞള്പ്പൊടി എന്നിവ ചേര്ത്ത് തരുതരുപ്പായി അരയ്ക്കുക. മണ്ചട്ടിയില് മുരിങ്ങയ്ക്ക, തേങ്ങയുടെ അരപ്പ്, പച്ചമുളക് നെടുകെ കീറിയത്, ഉപ്പ് എന്നിവ ചേര്ത്ത് വേവിക്കുക. മുരിങ്ങയ്ക്ക വെന്തു കഴിഞ്ഞാലുടന് മുട്ട നെടുകെ കീറിയത് ചേര്ത്ത് തിളയ്ക്കുമ്പോള് ചട്ടി ചുറ്റിച്ച് വാങ്ങുക. കറിവേപ്പിലയും വെളിച്ചെണ്ണയും ചേര്ത്ത് ഉപയോഗിക്കാം. മുട്ട തക്കാളി ആവശ്യമുള്ള സാധനങ്ങള് മുട്ട - നാല് കൊത്തിയരിഞ്ഞ തക്കാളി - ഒരു കപ്പ് പച്ചമുളക് നീളത്തില് അരിഞ്ഞത് - മൂന്ന് സവാള അരിഞ്ഞത് - കാല്കപ്പ് ഗരംമസാല - ഒരു ടീസ്പൂണ് മഞ്ഞള്പ്പൊടി - ഒരു നുള്ള് വെളിച്ചെണ്ണ - ആവശ്യത്തിന് ഉപ്പ് - പാകത്തിന് പെരുംജീരകം, കടുക്, കറിവേപ്പില - താളിക്കാന് ആവശ്യമായത് തയാറാക്കുന്നവിധം: ചീനച്ചട്ടി ചൂടാകുമ്പോള് വെളിച്ചെണ്ണ ഒഴിച്ച് സവാള, പച്ചമുളക് എന്നിവ വഴറ്റുക. ഇതിലേക്ക് തക്കാളി വഴറ്റി ഉപ്പ്, ഗരംമസാല, മഞ്ഞള്പ്പൊടി എന്നിവ ചേര്ത്ത് വഴറ്റുക. മുട്ട ചേര്ത്ത് നന്നായി വരണ്ടു വരുമ്പോള് കടുക് താളിച്ച് ചേര്ത്ത് തോര്ത്തിയെടുക്കുക. (source:Mangalam) |
Wednesday, October 6, 2010
Subscribe to:
Post Comments (Atom)
No comments:
Post a Comment