യുവാവിനെ കാണാതായതായി പരാതി
Posted on: 07 Oct 2010
ജിദ്ദ: ഉടന്‍ തിരിച്ചെത്താമെന്നു പറഞ്ഞ് മുറിയില്‍നിന്നു പുറത്തിറങ്ങിയ യുവാവിനെ കാണാതായെന്ന് പരാതി. തുവ്വൂര്‍ മാമ്പുഴ സ്വദേശി തരിപ്രമുണ്ട സിറാജുദ്ദീനെയാണ് (24) കഴിഞ്ഞ ഞായറാഴ്ച മുതല്‍ കാണാതായത്. ഞായറാഴ്ച വൈകിട്ടോടെ മുറിയില്‍നിന്നു പോയതായിരുന്നു ഇദ്ദേഹം. മൂവായിരത്തോളം റിയാലും സിറാജുദ്ദീന്റെ കൈയിലുണ്ടായിരുന്നത്രെ.ജിദ്ദയിലെ റുവൈസില്‍ ജോലി ചെയ്തിരുന്ന സിറാജുദ്ദീന്‍ നാട്ടില്‍നിന്ന് ഒരു വര്‍ഷം മുമ്പാണ് ഇവിടെയെത്തിയത്. തച്ചിയോടന്‍ മുഹമ്മദ് എന്ന നാണിയാണ് പിതാവ്. ഫോണില്‍ ബന്ധപ്പെടാന്‍ ശ്രമിക്കുമ്പോള്‍ സ്വിച്ച് ഓഫ് എന്ന മറുപടിയാണ് ലഭിക്കുന്നത്. ഞായറാഴ്ചയ്ക്കുശേഷം നാട്ടിലേക്കും വിളിച്ചിട്ടില്ലെന്നാണ് അറിയാന്‍ കഴിഞ്ഞതെന്ന് ഫ്രറ്റേണിറ്റി ഫോറം റുവൈസ് പി.ആര്‍. ഇന്‍ചാര്‍ജ് ഫസലുദ്ദീന്‍ പറഞ്ഞു.
റുവൈസിലെ ഇന്ത്യ ഫ്രറ്റേണിറ്റി ഫോറം പ്രവര്‍ത്തകരുടെ സഹായത്തോടെ ഇന്ത്യന്‍ കോണ്‍സുലേറ്റിലും പോലീസിലും പരാതി നല്കാനുള്ള ശ്രമത്തിലാണ് ബന്ധുക്കള്‍. സിറാജുദ്ദീനെക്കുറിച്ച് വിവരം ലഭിക്കുന്നവര്‍ ബന്ധുവായ അബ്ദുല്‍റഫീഖിനെയോ (056-2676800), അഷ്‌റഫിനെയോ (050-6926554) ഫസലുദ്ദീനെയോ (059-1343321) വിവരം അറിയിക്കണം.
(mathrubhumi)
No comments:
Post a Comment