| തലശേരിയില്‍ ഉഗ്രശേഷിയുള്ള 21 ബോംബുകള്‍ പിടിച്ചു |
| തലശേരി: ന്യൂമാഹി പോലീസ്സ്റ്റേഷന്‍ അതിര്‍ത്തിയിലെ മാടപ്പീടിക, തലശേരി ടെമ്പിള്‍ഗേറ്റ്‌ എന്നിവിടങ്ങളില്‍ പോലീസ്‌ നടത്തിയ മിന്നല്‍ റെയ്‌ഡില്‍ ഉഗ്രസ്‌ഫോടന ശേഷിയുള്ള സ്‌റ്റീല്‍ ബോംബുകളടക്കം 21 ബോംബുകളും അരക്കിലോ വെടിമരുന്നും രണ്ടു മഴുവും പിടിച്ചെടുത്തു. മാടപ്പീടിക വയലളം ചെള്ളത്തുമഠപ്പുരയ്‌ക്കു സമീപത്തുനിന്നാണ്‌ അഞ്ച്‌ സ്‌റ്റീല്‍ബോംബുകളും മഴുവും കണ്ടെത്തിയത്‌. ടെമ്പിള്‍ഗേറ്റ്‌ നങ്ങാറത്ത്‌പീടിക റെയില്‍വേ ട്രാക്കിനു സമീപത്തെ രാമകൃഷ്‌ണന്റെ പൂട്ടിയിട്ട വീടിനു പിറകില്‍നിന്ന്‌ ഒമ്പതു സ്‌റ്റീല്‍ ബോംബ്‌, എട്ട്‌ ഐസ്‌ക്രീം ബോംബ്‌, ഏഴ്‌ സ്‌റ്റീല്‍ ഡപ്പകള്‍, ഒമ്പത്‌ ഐസ്‌ക്രീം ഡപ്പകള്‍, അരക്കിലോ വെടിമരുന്ന്‌ എന്നിവയും കണ്ടെടുത്തു. തലശേരി ഡിവൈ.എസ്‌.പി പ്രിന്‍സ്‌ ഏബ്രഹാമിന്റെ നിര്‍ദേശപ്രകാരം ഇന്നലെ രാവിലെ ന്യൂ മാഹി പ്രിന്‍സിപ്പല്‍ എസ്‌.ഐ. ഷാജി പട്ടേരിയുടെ നേതൃത്വത്തില്‍ സായുധസേനയും ബോംബ്‌ സ്‌ക്വാഡും ചേര്‍ന്നു നടത്തിയ റെയ്‌ഡിലാണു ബോംബുകള്‍ കണ്ടെത്തിയത്‌ (mangalam). |
Monday, October 4, 2010
Subscribe to:
Post Comments (Atom)
No comments:
Post a Comment