വീണ്ടും ഇന്ത്യയുടെ അഭിമാന ബിന്ദ്ര

കായിക രംഗത്ത്‌ എന്നും അഭിമാനിക്കാനുള്ള വക നല്‍കിയ ബിന്ദ്രയും ഒരിക്കല്‍ കൂടി ഇന്ത്യയെ ലോകത്തിനു മുന്നില്‍ ഉയര്‍ത്തിപ്പിടിച്ചു. മൊഹാലിയിലെ സിര്‍കാപൂരുകാരനായ ബിന്ദ്ര ഹിമാചല്‍ പ്രദേശിലെ (ഇന്ന്‌ ഉത്തരാഖണ്ഡ്‌) ഡെറാഡൂണില്‍ ഒരു സിഖ്‌ കുടുംബത്തിലാണ്‌ ബിന്ദ്രയുടെ ജനനം. സ്വന്തമായി ഇന്‍ഡോര്‍ ഷൂട്ടിംഗ്‌ റേഞ്ച്‌ തന്നെ ബിന്ദ്രയുടെ പരിശീലനത്തിന്റെ സൗകര്യത്തിനായി സമ്പന്നരായ മാതാപിതാക്കള്‍ നിര്‍മിച്ചു കൊടുത്തിരുന്നു. 2002 ലെ മാഞ്ചസ്‌റ്റര്‍ ഗെയിംസിലും 2006 ലെ മെല്‍ബണ്‍ ഗെയിംസിലും ബിന്ദ്ര ഇന്ത്യക്കു വേണ്ടി സ്വര്‍ണം നേടി. 2004 ലെ ഏഥന്‍സ്‌ ഒളിമ്പിക്‌സില്‍ മെഡല്‍ നേടാനായില്ലെങ്കിലും ബെയ്‌ജിങ്‌ ഒളിമ്പിക്‌സില്‍ ഇന്ത്യയുടെ ആദ്യ വ്യക്‌തിഗത സ്വര്‍ണം നേടി ചരിത്രത്തില്‍ സുവര്‍ണ രേഖയായി. സ്വര്‍ണ വേട്ടയില്‍ മാത്രമല്ല വിദ്യാഭ്യാസത്തിലും ബിന്ദ്ര മുന്നിലാണ്‌. കൊളറാഡോ സര്‍വകലാശാലയില്‍ എം.ബി.എ. വിദ്യാര്‍ഥിയാണ്‌. ചെന്നൈയ്‌ക്കാരനായ ഗഗന്‍ നാരംഗ്‌ കഴിഞ്ഞ ഷൂട്ടിംഗ്‌ ലോകകപ്പില്‍ പത്ത്‌ മീറ്റര്‍ എയര്‍ റൈഫിള്‍ വെങ്കലം നേടിയിരുന്നു. 2006 കോമണ്‍വെല്‍ത്ത്‌ ഗെയിംസില്‍ ബിന്ദ്രയ്‌ക്കൊപ്പം രണ്ടു സ്വര്‍ണം നേടി. പത്തു മീറ്റര്‍ എയര്‍ റൈഫിളില്‍ ലോകറെക്കോഡിന്‌ ഉടമയുമാണ്‌ നാരംഗ്‌. 2008 നവംബറില്‍ ബാങ്കോക്കില്‍ നടന്ന മത്സരത്തിലാണ്‌ നാരംഗ്‌ ലോക റെക്കോഡിന്‌ ഉടമയായത്‌. അന്നു തന്നെയാണ്‌ ബരാക്‌ ഒബാമ യു.എസ്‌.പ്രസിഡന്റ്‌ സ്‌ഥാനത്തേക്കു തെരഞ്ഞെടുക്കപ്പെട്ടത്‌്. 10 മീറ്റര്‍ എയര്‍ റൈഫിള്‍, 50 മീറ്റര്‍ റൈഫിള്‍ 3 സ്‌പോട്ടിലും നാരംഗ്‌ സ്വര്‍ണം കൊയ്‌തിട്ടുണ്ട്‌. (mangalam)