കേരളത്തിലെ റോഡപകടങ്ങള്‍

ഗട്ടറില്‍ വീണ ബൈക്കില്‍നിന്ന്‌ തെറിച്ചുവീണ വീട്ടമ്മ ബസ്‌ കയറി മരിച്ചു

വൈക്കം: പുളിഞ്ചുവടിനു സമീപമുണ്ടായ വാഹനാപകടത്തില്‍ വീട്ടമ്മ മരിച്ചു. വൈക്കം പുളിഞ്ചുവട്‌ കൊണ്ടനാട്ട്‌ സുരേന്ദ്രനാഥന്റെ ഭാര്യ സുനിത (35)യാണ്‌ മരിച്ചത്‌. ഭര്‍ത്താവിനൊപ്പം ഇന്നലെ വൈകിട്ട്‌ ഏഴുമണിയോടെ ബൈക്കില്‍ സഞ്ചരിക്കുമ്പോള്‍ ബൈക്ക്‌ ഗട്ടറില്‍ വീണതോടെ വീട്ടമ്മ റോഡിലേക്കു തെറിച്ചു വീഴുകയും ഈ സമയം ഇതുവഴി വന്ന സ്വകാര്യ ബസിന്റെ അടിയില്‍പ്പെടുകയുമായിരുന്നു. ശരീരത്തിലൂടെ പിന്‍ചക്രം കയറിയിറങ്ങി തല്‍ക്ഷണം മരിച്ചു. മൃതദേഹം വൈക്കം ഗവണ്‍മെന്റ്‌ ആശുപത്രി മോര്‍ച്ചറിയില്‍. ഒരു മകനുണ്ട്‌ ==================================================== ഡോര്‍ തുറന്നു കെട്ടിവച്ച ബസില്‍നിന്നു വീണ്‌ യുവപത്രപ്രവര്‍ത്തകന്‍ മരിച്ചു രാമപുരം: ഡോര്‍ തുറന്നുവച്ച്‌ ഓടിക്കൊണ്ടിരുന്ന ബസില്‍നിന്നും തെറിച്ചുവീണ യാത്രക്കാരന്‍ രാമപുരം സ്വദേശി ഊറുമുള്ളുംതടത്തില്‍ ജോബിന്‍ (26) മരിച്ചു. മാധ്യമം ദിനപത്രത്തിന്റെ എറണാകുളം യൂണിറ്റില്‍ സബ്‌ എഡിറ്ററാണ്‌. പാലാ - കൂത്താട്ടുകുളം റൂട്ടില്‍ സര്‍വീസ്‌ നടത്തുന്ന സ്വകാര്യബസില്‍നിന്ന്‌ തെറിച്ചു വീഴുകയായിരുന്നു. മെഡിക്കല്‍ കോളജ്‌ ആശുപത്രിയില്‍ ചികിത്സയില്‍ കഴിയവേ ഇന്നലെ രാവിലെ മരണമടഞ്ഞു. സ്വകാര്യബസിന്റെ ഡോര്‍ തുറന്ന്‌ കെട്ടിവച്ചിരിക്കുകയായിരുന്നു. ഊറുമുള്ളുംതടത്തില്‍ ആഗസ്‌തി - മറിയക്കുട്ടി ദമ്പതികളുടെ മകനാണ്‌. സഹോദരങ്ങള്‍: ബെന്നി, ബിന്ദു, ഡോണാ. സംസ്‌കാരം ഇന്ന്‌ ഉച്ചകഴിഞ്ഞ്‌ രണ്ടിന്‌ രാമപുരം ഫൊറോനാ പള്ളിയില്‍. (mangalam)