| ഭാര്യയെ കൈമാറ്റം ചെയ്‌തു പീഡിപ്പിച്ച സംഭവം: പിടിയിലായവര്‍ക്കു രാജ്യാന്തര നീലച്ചിത്ര നിര്‍മാതാക്കളുമായി ബന്ധമെന്നു സൂചന ? |
| എടപ്പാള്‍: ഭാര്യയെ കൈമാറ്റം ചെയ്‌തു പീഡിപ്പിക്കുകയും കൂട്ടബലാല്‍സംഗം ചെയ്യുകയും ചെയ്‌ത സംഭവത്തിന്റെ അന്വേഷണം തിരൂര്‍ ഡിവൈ.എസ്‌.പി: പി. വാഹിദിനു കൈമാറി. പിടിയിലായ പ്രതികള്‍ക്കു രാജ്യാന്തര ബന്ധമുള്ള നീലച്ചിത്ര നിര്‍മാതാക്കളുമായി ബന്ധമുണ്ടെന്നു സൂചന ലഭിച്ചതോടെയാണ്‌ അന്വേഷണം ഡിവൈ.എസ്‌.പിക്കു കൈമാറിയത്‌. മനുഷ്യാവകാശ പ്രവര്‍ത്തകന്‍ ബംഗളുരു ദസറഹള്ളി മുരളീകൃഷ്‌ണന്‍ (39), തവനൂര്‍ നരിപ്പറമ്പ്‌ പുന്നൂര്‍പടിക്കല്‍ സുരേഷ്‌ (30), ഭാര്യ കൂരട കളത്തില്‍വളപ്പില്‍ നിഷ (24) എന്നിവരെയാണു സംഭവവുമായി ബന്ധപ്പെട്ടു പോലീസ്‌ അറസ്‌റ്റ് ചെയ്‌തത്‌. ബംഗളുരുവില്‍വച്ചു മുരളീകൃഷ്‌ണന്റെ ഭാര്യയെ സുരേഷും സുരേഷിന്റെ ഭാര്യയും ചേര്‍ന്നു പീഡിപ്പിച്ചതിന്റെ ദൃശ്യങ്ങള്‍ മൊബൈലില്‍ പകര്‍ത്തി പ്രചരിപ്പിച്ചതായും സൂചനയുണ്ട്‌. സുരേഷിനു വഴങ്ങിക്കൊടുക്കാതിരുന്ന ഭാര്യയെ മുരളീകൃഷ്‌ണന്‍ ക്രൂരമായി പീഡിപ്പിച്ചു. സുരേഷിന്റേയും മുരളീകൃഷ്‌ണന്റേയും സ്വവര്‍ഗരതിയാണു ഭാര്യമാരെ കൈമാറാന്‍ പ്രേരിപ്പിച്ചത്‌. ബാംഗളുരുവിലെ സെക്‌സ് റാക്കറ്റുമായി പ്രതികള്‍ക്കു ബന്ധമുണ്ടെന്നാണു പോലീസ്‌ സംശയിക്കുന്നത്‌. മറ്റു ജോലികള്‍ക്കൊന്നും പോകാത്ത മുരളീകൃഷ്‌ണനും സുരേഷും ലൈംഗികവൃത്തിയിലൂടെയാണു പണം സമ്പാദിച്ചതെന്നും സംശയമുണ്ട്‌. ഇക്കാര്യം പോലീസ്‌ പരിശോധിക്കുന്നുണ്ട്‌. കൂടുതല്‍ സ്‌ത്രീകളെ ഇത്തരം പ്രകൃതിവിരുദ്ധ ലൈംഗികബന്ധത്തിന്‌ ഉപയോഗിച്ചിട്ടുണ്ടോ എന്ന കാര്യവും അന്വേഷിക്കും. റിമാന്‍ഡില്‍ കഴിയുന്ന പ്രതികളെ കസ്‌റ്റഡിയില്‍ വാങ്ങാന്‍ പോലീസ്‌ നാളെ കോടതിയില്‍ അപേക്ഷ നല്‍കും. (mangalam) =================================================== |
Monday, April 18, 2011
Subscribe to:
Post Comments (Atom)
No comments:
Post a Comment