| മൂന്നാം ക്ലാസ്‌ വിദ്യാര്‍ഥിനികളെ പീഡിപ്പിച്ച അധ്യാപകനെതിരേ കേസ്‌ |
| തിരുര്‍: മൂന്നാം ക്ലാസ്‌ വിദ്യാര്‍ഥിനികളെ പീഡിപ്പിച്ച സംഭവത്തില്‍ ക്ലാസ്‌ അധ്യാപകനെതിരേ തിരൂര്‍ പോലീസ്‌ കേസ്‌ രജിസ്‌റ്റര്‍ ചെയ്‌തു. തിരൂര്‍ പച്ചാട്ടിരി പി.എന്‍.എം.എസ്‌.എ.യു.പി. സ്‌കൂളിലെ അധ്യാപകനും വടകര സ്വദേശിയുമായ വിനോദിനെതിരേയാണു മലപ്പുറം ജില്ലാ പോലീസ്‌ സൂപ്രണ്ടിന്റെ നിര്‍ദേശപ്രകാരം കേസെടുത്തത്‌. ഒളിവില്‍പോയ പ്രതിയെ കണ്ടെത്താന്‍ പോലീസ്‌ അന്വേഷണം ഊര്‍ജിതമാക്കി. പീഡനത്തിനിരയായ ചില വിദ്യാര്‍ഥിനികള്‍ രക്ഷിതാക്കളെ അറിയിക്കുകയും അവര്‍ ഉടന്‍ ചൈല്‍ഡ്‌ലൈനുമായി ബന്ധപ്പെടുകയുമായിരുന്നു. ചൈല്‍ഡ്‌ലൈന്‍ പ്രവര്‍ത്തകര്‍ ജില്ലാ പോലീസ്‌ സൂപ്രണ്ടിനു പരാതി നല്‍കി. അന്വേഷണത്തില്‍ ക്ലാസിലെ അഞ്ചു പെണ്‍കുട്ടികളെ അധ്യാപകന്‍ പീഡിപ്പിച്ചതായി ബോധ്യമായി. ഒരു വിദ്യാര്‍ഥിയുടെ മൊഴിയും രേഖപ്പെടുത്തി. വിനോദിനെ പ്രതിയാക്കി ക്രിമിനല്‍ നടപടി നിയമം 354 ാം വകുപ്പുപ്രകാരമാണു കേസെടുത്തിട്ടുള്ളത്‌. സംഭവത്തെക്കുറിച്ചു വിദ്യാര്‍ഥി പറഞ്ഞതിങ്ങനെ: ക്ലാസ്‌ അധ്യാപകന്‍ വിനോദ്‌ വിദ്യാര്‍ഥികളെ തല്ലുമായിരുന്നു. ക്ലാസില്‍ പത്തു പെണ്‍കുട്ടികളടക്കം 27 കുട്ടികളാണുള്ളത്‌. രണ്ടു പെണ്‍കുട്ടികളടക്കം 17 പേര്‍ അറബി പഠിക്കുന്നതിനാല്‍ ആ പീരിയഡില്‍ ഇവര്‍ അറബിക്‌ ക്ലാസിലേക്കു പോകും. അവശേഷിക്കുക എട്ടു പെണ്‍കുട്ടികളടക്കം പത്തുപേരാണ്‌. ഈ സമയത്തു ക്ലാസിലേക്കു വരുന്ന ക്ലാസ്‌ അധ്യാപകന്‍ തന്റെ ഇരിപ്പിടത്തിലേക്ക്‌ ഓരോരുത്തരെ വിളിപ്പിക്കും. പെണ്‍കുട്ടികളോട്‌ അപമര്യാദയായി പെരുമാറുകയും ശാരീരികമായി പീഡിപ്പിക്കുകയും ചെയ്യും. എന്നാല്‍ ഭയം മൂലം കുട്ടികള്‍ ഇതു വീട്ടില്‍ പറഞ്ഞിരുന്നില്ല. ഇതിനിടെ സ്‌കൂളില്‍ ഇക്കാര്യം പരസ്യമായിരുന്നു. (mangalam) ============================================== |
Monday, April 18, 2011
Subscribe to:
Post Comments (Atom)
No comments:
Post a Comment