| ഒരു കുടുംബത്തിലെ മൂന്നു കുട്ടികള്‍ കുളത്തില്‍ മുങ്ങിമരിച്ചു |
കൊണ്ടോട്ടി : ഒരു കുടുംബത്തിലെ മൂന്നു കുട്ടികള്‍ കുളത്തില്‍ മുങ്ങി മരിച്ചു. പുളിക്കല്‍ പഞ്ചായത്തിലെ ഒളവട്ടൂര്‍ പറമ്പുകുത്ത്‌ ഉമ്മറിന്റെ മക്കളായ രഹ്‌്നഹ്ന (9), അനിയന്‍ നിയാദ്‌ (5), ഉമ്മറിന്റെ സഹോദരന്‍ പറമ്പുകുത്ത്‌ അബ്‌ദുറഹ്‌മാന്റെ മകള്‍ ഷഹാന (8) എന്നിവരാണ്‌ വീടിനടുത്തുള്ള കുളത്തില്‍ മുങ്ങിമരിച്ചത്‌.
കുളിക്കാന്‍ പോയതായിരുന്നു കുട്ടികള്‍. നിയാദ്‌ വീണപ്പോള്‍ രക്ഷിക്കാന്‍ ശ്രമിക്കുന്നതിനിടയില്‍ മറ്റു രണ്ടുപേരും വെള്ളത്തില്‍ താഴുകയായിരുന്നു. മരിച്ച രഹ്നഹ്ന ഒളവട്ടൂര്‍ യത്തീംഖാന ഹൈസ്‌കൂളിലെ അഞ്ചാം ക്ലാസ്‌ വിദ്യാര്‍ഥിയായിരുന്നു. നിയാദും ഷഹാനയും തടത്തില്‍പറമ്പ്‌ ഗവ. എല്‍ പി സ്‌കൂളില്‍ ഒന്നും നാലും ക്ലാസുകളിലെ വിദ്യാര്‍ഥികളായിരുന്നു. റസിയയാണ്‌ രഹ്‌്നയുടെയും നിയാദിന്റെയും മാതാവ്‌. സഹോദരി - റീണു. ഷഹാനയുടെ മാതാവ്‌ കദീജയാണ്‌. സഹോദരങ്ങള്‍- ജസീറ, മിനുഹ്ന, ഷാനി, ജസീം
(mangalam)
No comments:
Post a Comment