കാറ്റാടിക്കമ്പനി ആദിവാസികളെ കബളിപ്പിച്ചെന്ന് ആര്‍.ഡി.ഒ. Posted on: 24 Jul 2010  അഗളി: കാറ്റാടിക്കമ്പനി ആദിവാസികളെ കബളിപ്പിച്ചതായാണ് ഭൂമി ഇടപാടുമായി ബന്ധപ്പെട്ട രേഖകളുടെ പ്രാഥമിക പരിശോധനയില്‍ വ്യക്തമാകുന്നതെന്ന് ഒറ്റപ്പാലം ആര്‍.ഡി.ഒ. കെ.വി. വാസുദേവന്‍ പറഞ്ഞു. കോട്ടത്തറ വില്ലേജോഫീസില്‍ വെള്ളിയാഴ്ച കാറ്റാടിയന്ത്രങ്ങള്‍ സ്ഥാപിച്ചിരിക്കുന്ന ഭൂമിയുടെ അവകാശം സംബന്ധിച്ച് ആദിവാസികളടക്കമുള്ളവരില്‍നിന്ന് തെളിവെടുത്ത ശേഷമായിരുന്നു ആര്‍.ഡി.ഒ.യുടെ അഭിപ്രായപ്രകടനം. കാറ്റാടിയന്ത്രങ്ങള്‍ സ്ഥാപിച്ചതുമായി ബന്ധപ്പെട്ട് ഏറ്റവുംകൂടുതല്‍ തര്‍ക്കങ്ങളുയര്‍ന്നിട്ടുള്ള നല്ലശിങ്കയിലെ 1275, 1273, 1274, 1276 സര്‍വേനമ്പറുകളിലെ ഭൂമിയുടെ രേഖകളാണ് ആര്‍.ഡി.ഒ.യുടെ നേതൃത്വത്തിലുള്ള ഉദ്യോഗസ്ഥസംഘം പരിശോധിച്ചത്. രേഖകള്‍ സമര്‍പ്പിച്ചവരുടെ മൊഴികളും വിശദമായി രേഖപ്പെടുത്തി. രാവിലെ 11 മണിയോടെ ആരംഭിച്ച തെളിവെടുപ്പില്‍ ആര്‍.ഡി.ഒ.യെ കൂടാതെ മണ്ണാര്‍ക്കാട് ഡി.എഫ്.ഒ. ജയിംസ് മാത്യു, ജില്ലാ രജിസ്ട്രാര്‍ കെ. കൃഷ്ണന്‍, മണ്ണാര്‍ക്കാട് അഡീഷണല്‍ തഹസില്‍ദാര്‍ കെ. സുധാകരന്‍, ഹെഡ്ക്വാര്‍ട്ടേഴ്‌സ് ഡെപ്യൂട്ടി തഹസില്‍ദാര്‍ വിഭൂഷണന്‍ എന്നിവരുമുണ്ടായിരുന്നു. മുപ്പതിലധികംപേര്‍ രേഖകള്‍ സമര്‍പ്പിച്ചതായി ആര്‍.ഡി.ഒ. വെളിപ്പെടുത്തി. പ്രധാനമായും നല്ലശിങ്കയിലെ 1275 സര്‍വേനമ്പറുമായി ബന്ധപ്പെട്ട രേഖകള്‍ ഹാജരാക്കാനാണ് ആവശ്യപ്പെട്ടിരുന്നത്. മറ്റ് സര്‍വേനമ്പറുകളുമായി ബന്ധമുള്ള രേഖകളും ഉദ്യോഗസ്ഥര്‍ സ്വീകരിച്ചു. എന്നാല്‍, കാറ്റാടിക്കമ്പനിക്കായി ഭൂമിയിടപാടുകള്‍ നടത്തിയ സാര്‍ജന്‍ റിയാലിറ്റീസിന് ഭൂമിവിറ്റവരാരും രേഖകളുമായി എത്തിയില്ല. ഭൂമിയുടെ കരമടച്ച രേഖകളും മണ്ണുസംരക്ഷണവകുപ്പില്‍നിന്നുലഭിച്ച രേഖകളുമാണ് ആദിവാസികള്‍ പ്രധാനമായും അധികൃതര്‍ക്ക് നല്‍കിയത്. 1986 നുശേഷം കരം സ്വീകരിക്കാന്‍ വില്ലേജോഫീസുകാര്‍ വിസമ്മതിച്ചതിനാല്‍ കരമടയ്ക്കാന്‍ കഴിഞ്ഞിട്ടില്ലെന്ന് പലരും ബോധിപ്പിച്ചു. ആര്‍ക്കും ഭൂമിവിറ്റ് പണം വാങ്ങിയിട്ടില്ലെന്നും തങ്ങളറിയാതെ ഭൂമി കൈവശപ്പെടുത്തി കാറ്റാടിക്കമ്പനിക്ക് നല്‍കുകയായിരുന്നെന്നും ചിലര്‍ വ്യക്തമാക്കി. വൈദ്യുതപോസ്റ്റുകള്‍ സ്ഥാപിക്കാനായി 12,000 രൂപ വീതം ലഭിച്ചതായി ചിലര്‍ തെളിവെടുപ്പിനിടയില്‍ വെളിപ്പെടുത്തി. ഐ.ടി.ഡി.പി. പ്രോജക്ട് ഓഫീസര്‍ മുമ്പ് സമര്‍പ്പിച്ച റിപ്പോര്‍ട്ടിലെ വസ്തുതകള്‍ക്ക് സമാനമായ മൊഴികളാണ് ആര്‍.ഡി.ഒ.യുടെ മുന്നിലും ആദിവാസികള്‍ നല്‍കിയത്. (a mathrubhumi report) വീട്ടമ്മയെ വിളിച്ചു വിളിച്ച്‌ പ്ലസ്‌ടുക്കാരന്‍ കുടുങ്ങി |
| എടപ്പാള്‍: മൂന്നു മാസമായി വീട്ടമ്മയെ ഫോണില്‍ വിളിച്ചു ശല്യം ചെയ്‌ത പ്ലസ്‌ടു വിദ്യാര്‍ഥിയെ പോലിസ്‌ തന്ത്രപുര്‍വം പിടികൂടി. ചാവക്കാട്ടെ ഒരു കോളജിലെ പ്ലസ്‌ടു വിദ്യാര്‍ഥിയാണു വീട്ടമ്മയൊരുക്കിയ കെണിയിലുടെ പോലിസ്‌ കസ്‌റ്റഡിയിലായത്‌. ശല്യം സഹിക്കവയ്യാതെ കല്ലുര്‍മ സ്വദേശിയായ വീട്ടമ്മ കഴിഞ്ഞ ദിവസം ചങ്ങരംകുളം പോലിസില്‍ പരാതി നല്‍കിയിരുന്നു. തുടര്‍ന്നു പോലിസ്‌ നിര്‍ദേശപ്രകാരം പൂവാലനെ ഇന്നലെ ചങ്ങരംകുളത്തേക്കു വിളിച്ചുവരുത്തുകയായിരുന്നു. സ്‌ത്രീയുമായി സംസാരിക്കുന്നതിനിടയില്‍ മഫ്‌തിയില്‍ കാത്തുനിന്ന ചങ്ങരംകുളം എസ്‌.ഐ: എം അല്‍ത്താഫ്‌ അലിയും സംഘവും കയ്യോടെ പിടികൂടുകയായിരുന്നു. |
| മുത്തൂറ്റ്‌ പോള്‍ വധം: മൂന്നു പ്രതികള്‍ മാപ്പുസാക്ഷിയാകും | |||
| കൊച്ചി: മുത്തൂറ്റ്‌ പോള്‍ വധക്കേസില്‍ മൂന്നു പ്രതികളെ മാപ്പുസാക്ഷികളാക്കാന്‍ സി.ബി.ഐ തീരുമാനിച്ചു. ഇതിന്റെ മുന്നോടിയായി പ്രതികളുടെ രഹസ്യമൊഴി എറണാകുളം ചീഫ്‌ ജുഡീഷ്യല്‍ മജിസ്‌ട്രേറ്റ്‌ മുമ്പാകെ രേഖപ്പെടുത്തി. പ്രതികളായ കുന്നന്‍പാലം മലയില്‍പെട്ടി സുനീഷ്‌ തോമസ്‌, വടക്കോട്ടില്‍ അനീഷ്‌ കുമാര്‍, ഐക്കരവീട്ടില്‍ രമേഷ്‌ എന്ന സോണി എന്നിവരെയാണ്‌ സി.ബി.ഐ മാപ്പുസാക്ഷികളാക്കുന്നത്‌. ചങ്ങനാശേരി ക്വട്ടേഷന്‍ സംഘത്തിലെ അംഗങ്ങളായിരുന്ന പ്രതികളെയാണ്‌ മാപ്പുസാക്ഷികളാക്കുന്നത്‌. അന്വേഷണം പൂര്‍ത്തിയാക്കുന്നതിനു മുന്നോടിയായാണ്‌ കൊലയ്‌ക്കു ദൃക്‌സാക്ഷികളായിരുന്നവരെ മാപ്പുസാക്ഷികളാക്കി സി.ബി.ഐ. കോടതിയില്‍ രഹസ്യമൊഴി നല്‍കിയിരിക്കുന്നത്‌
|
No comments:
Post a Comment