Keralam -news

അപകട കേരളം ഡാമുകള്‍ക്ക്‌ ഭീഷണിയുണ്ടെന്ന്‌ കേന്ദ്ര രഹസ്യാ -ന്വേഷണ വിഭാഗത്തിന്റെ റിപ്പോര്‍ട്ട്‌ തിരുവനന്തപുരം: സംസ്‌ഥാനത്തെ ഡാമുകള്‍ക്ക്‌ എല്‍.ടി.ടി.ഇ, മുസ്ലീം മത മൗലികവാദ സംഘങ്ങള്‍ എന്നിവയുടെ ഭീഷണിയുണ്ടെന്ന്‌ മന്ത്രി എ.കെ. ബാലന്‍ നിയമസഭയെ അറിയിച്ചു. ഡാമുകളുടെ സുരക്ഷ വര്‍ധിപ്പിക്കണമെന്നും ഇവരുടെ ഭീഷണി തള്ളിക്കളയേണ്ടതില്ലെന്നും കേന്ദ്ര രഹസ്യാന്വേഷണ വിഭാഗം അറിയിച്ചിട്ടുണ്ടെന്ന്‌ മന്ത്രി വ്യക്‌തമാക്കി. സംസ്‌ഥാനത്തെ വൈദ്യുതി നിലയങ്ങളുടെ സുരക്ഷ ഉറപ്പു വരുത്തുന്നതിന്‌ ഫലപ്രദമായ നടപടികള്‍ സ്വീകരിച്ചിട്ടുണ്ട്‌. വൈദ്യുതി ബോര്‍ഡിലെ പൊലീസ്‌ സൂപ്രണ്ട്‌, ഡിവൈ.എസ്‌.പി എന്നിവര്‍ സമയാസമയങ്ങളില്‍ പ്രധാനപ്പെട്ട ഡാമുകളും വൈദ്യുതി നിലയങ്ങളും സന്ദര്‍ശിച്ചു നടപടികള്‍ വിലയിരുത്തുന്നു. പ്രധാന ഡാമുകളിലെ സുരക്ഷയ്‌ക്കായി ഡാം സെക്യൂരിറ്റി ഓഫിസര്‍മാരെ ചുമതലപ്പെടുത്തിയിട്ടുണ്ട്‌. വൈദ്യുതി നിലയങ്ങളിലേക്കു വരുന്ന സന്ദര്‍ശകരെയും വാഹനങ്ങളെയും കര്‍ശന പരിശോധനക്കു വിധേയമാക്കി വരുന്നു. മുല്ലപ്പെരിയാര്‍ അപകടാവസ്‌ഥയില്‍: കേന്ദ്ര ദുരന്തനിവാരണസേന കൊച്ചി: മുല്ലപ്പെരിയാര്‍ അണക്കെട്ട്‌ അപകടാവസ്‌ഥയിലാണെന്നു കേന്ദ്ര ദുരന്തനിവാരണസേനയുടെ മുന്നറിയിപ്പ്‌. ജലമര്‍ദം താങ്ങാനാവാതെ അണക്കെട്ട്‌ തകര്‍ന്നാല്‍ കേരളത്തിലെ അഞ്ചു ജില്ലകളില്‍ വന്‍ദുരന്തമുണ്ടാകുമെന്നും ദുരന്തനിവാരണസേനയുടെ റിപ്പോര്‍ട്ടില്‍ പറയുന്നു. അപകടമുണ്ടായാല്‍ നേരിടാന്‍ യാതൊരു സംവിധാനവും തമിഴ്‌നാട്‌, കേരളാ സര്‍ക്കാരുകള്‍ ഏര്‍പ്പെടുത്തിയിട്ടില്ല. ആറംഗസംഘം അണക്കെട്ട്‌ സന്ദര്‍ശിച്ചു തയാറാക്കിയ റിപ്പോര്‍ട്ട്‌ വൈകാതെ കേന്ദ്ര ആഭ്യന്തരമന്ത്രാലയത്തിനു സമര്‍പ്പിക്കും. കുറ്റകരമായ അനാസ്ഥ? കഴിഞ്ഞ വേനലില്‍ അണക്കെട്ടില്‍ വൈറ്റ്‌ സിമെന്റ്‌ ഉപയോഗിച്ച്‌ അടച്ച ഭാഗം മഴയെത്തിയതോടെ തള്ളിപ്പോയതായി പരിശോധനയില്‍ കണ്ടെത്തി. ഈ ഭാഗത്തു ശക്‌തമായ ചോര്‍ച്ചയുണ്ട്‌. ഇരുസംസ്‌ഥാനങ്ങളുടെയും ബലപ്പെടുത്തല്‍ നടപടികള്‍ അപര്യാപ്‌തമാണെന്നും റിപ്പോര്‍ട്ടില്‍ പറയുന്നു.അണക്കെട്ടില്‍ കേരളാ സര്‍ക്കാരിന്റെ പോലീസ്‌ സുരക്ഷ അപര്യാപ്‌തമാണ്‌. 50 പോലീസുകാരാണ്‌ അണക്കെട്ടിന്റെ സുരക്ഷ കൈകാര്യം ചെയ്യുന്നത്‌. ഇവര്‍ക്കു വേണ്ടത്ര പരിശീലനമോ വാര്‍ത്താവിനിമയ സംവിധാനമോ ഇല്ല. അണക്കെട്ട്‌ സംസ്‌ഥാനത്തിന്റെ അതിര്‍ത്തിക്കുള്ളിലാണെന്ന വാദമുയര്‍ത്തി രണ്ടുവര്‍ഷം മുമ്പാണു കേരളാ പോലീസ്‌ പൂര്‍ണമായും സുരക്ഷ ഏറ്റെടുത്തത്‌. എന്നാല്‍, സുരക്ഷാ മുന്‍കരുതലിന്റെ പേരില്‍ കേരള സര്‍ക്കാര്‍ പണം കളഞ്ഞുകുളിക്കുകയാണെന്നു റിപ്പോര്‍ട്ടില്‍ കുറ്റപ്പെടുത്തുന്നു. അപായ മുന്നറിയിപ്പു നല്‍കാന്‍ പലയിടത്തും സൈറന്‍ സ്‌ഥാപിച്ചിട്ടുണ്ടെങ്കിലും വൈദ്യുതി കണക്ഷന്‍ നല്‍കിയിട്ടില്ല. ദേശീയ സുരക്ഷാസേനയ്‌ക്കു (എന്‍.എസ്‌.ജി.) കീഴിലാണു ദുരന്തനിവാരണസേന. എല്ലാ സംസ്‌ഥാനത്തും 800 പേരടങ്ങിയ ദുരന്തനിവാരണസേനാ ബറ്റാലിയന്‍ രൂപീകരിക്കണമെന്ന കേന്ദ്രനിര്‍ദേശം കേരളം പാലിച്ചിട്ടില്ല. * ജെബി പോള്‍ (ഒരു മംഗളം റിപ്പോര്‍ട്ട്) ക്രിമിനല്‍ കേരളം കൊല്ലം: ഭാര്യ തൂങ്ങിമരിച്ച സംഭവത്തില്‍ സ്‌ത്രീധന പീഡനത്തിന്‌ ഭര്‍ത്താവിനെ പോലീസ്‌ അറസ്‌റ്റ് ചെയ്‌ത് റിമാന്റ്‌ ചെയ്‌തു. ആദിച്ചനല്ലൂര്‍ പ്ലാക്കാട്‌ നെടുമ്പുറത്ത്‌ വീട്ടില്‍ (ലാവണ്യ) സുപ്രു എന്നു വിളിക്കുന്ന അനൂപി(30)നെയാണ്‌ ഡിവൈ.എസ്‌.പി. ബി.കൃഷ്‌ണകുമാര്‍ അറസ്‌റ്റ് ചെയ്‌തത്‌. കഴിഞ്ഞ വെള്ളിയാഴ്‌ച വൈകിട്ടാണ്‌ അനൂപിന്റെ ഭാര്യ കാഞ്ഞാവെളി പ്രാക്കുളം അജിഭവനില്‍ ശശിധരന്റെ മകള്‍ അജിത(24) ഭര്‍തൃഗൃഹത്തില്‍ തൂങ്ങി മരിച്ചത്‌. സംഭവത്തില്‍ ദുരൂഹതയുള്ളതായി കാട്ടി പെണ്‍കുട്ടിയുടെ ബന്ധുക്കള്‍ പരാതി നല്‍കിയിരുന്നു. തുടര്‍ന്ന്‌ പോലീസ്‌ അനൂപിനെ കസ്‌റ്റഡിയില്‍ എടുത്ത്‌ ചോദ്യം ചെയ്‌തു. ഡിവൈ.എസ്‌.പി ബി.കൃഷ്‌ണകുമാറിനായിരുന്നു അന്വേഷണച്ചുമതല. ഒന്നര വര്‍ഷം മുമ്പാണ്‌ ഇവരുടെ വിവാഹം നടന്നത്‌. ധാരാളം സ്വര്‍ണ്ണാഭരണങ്ങള്‍ സ്‌ത്രീധനമായി നല്‍കിയതായി പോലീസ്‌ പറഞ്ഞു. കൂടാതെ 20 സെന്റ്‌ വസ്‌തുവും പെണ്‍കുട്ടിയുടെയും ഭര്‍ത്താവിന്റെയും പേരില്‍ കൊടുക്കാമെന്ന്‌ അജിതയുടെ ബന്ധുക്കള്‍ പറഞ്ഞിരുന്നു. ആദിച്ചനല്ലൂര്‍ സൊസൈറ്റി ജംഗ്‌ഷനില്‍ പ്ലംബിംഗ്‌ കട നടത്തുന്ന അനൂപ്‌ ബിസിനസ്‌ ആവശ്യത്തിനും മറ്റും കൂടുതല്‍ സ്‌ത്രീധനം ആവശ്യപ്പെട്ട്‌ അജിതയെ മാനസികമായും ശാരീരികമായും പീഡിപ്പിച്ചിരുന്നുവത്രേ. ഇതിന്‌ അനൂപിന്റെ പിതാവ്‌ ഗോപാലകൃഷ്‌ണനും കൂട്ടുനിന്നതായി പോലീസ്‌ പറഞ്ഞു. കഴിഞ്ഞ 15ന്‌ അജിതയുടെ മുത്തശിയുടെ മരണാനന്തര ചടങ്ങില്‍ പങ്കെടുക്കാന്‍ അജിത പോയിരുന്നു. 16ന്‌ അനൂപ്‌ ഭാര്യയെ മരണവീട്ടില്‍ നിന്നും നിര്‍ബന്ധിപ്പിച്ച്‌ സ്വന്തം വീട്ടിലേക്ക്‌ കൂട്ടിക്കൊണ്ടുപോയി. മുത്തശിയുടെ മരണത്തിന്റെ രണ്ടാം ദിവസം വീടുവിട്ട്‌ പോകേണ്ടി വന്നതില്‍ അജിത ദുഃഖിതയായിരുന്നു. അന്നു വൈകിട്ടാണ്‌ അനൂപിന്റെ വീട്ടിലെ രണ്ടാം നിലയിലെ കിടപ്പുമുറിയില്‍ ഫാനില്‍ തൂങ്ങിമരിച്ച നിലയില്‍ അജിതയെ കണ്ടത്‌. (a mangalam report) ദേവസ്വം ഉന്നത ഉദ്യോഗസ്‌ഥരെ റെയില്‍വേ പോലീസ്‌ അറസ്‌റ്റ് ചെയ്‌തു തിരുവനന്തപുരം: തിരുവിതാംകൂര്‍ ദേവസ്വം ബേര്‍ഡിലെ രണ്ട്‌ മുതിര്‍ന്ന ഉദ്യോഗസ്‌ഥരെ റെയില്‍വേ പോലീസ്‌ അറസ്‌റ്റു ചെയ്‌തു. ആവശ്യമായ ടിക്കറ്റില്ലാതെ സ്ലീപ്പര്‍ ക്ലാസില്‍ യാത്ര ചെയ്യുക, ഇതിനെ ചോദ്യം ചെയ്‌ത വനിതാ ടി.ടി.ആറിനോട്‌ മോശമായി പെരുമാറുക തുടങ്ങി നിരവധി കുറ്റങ്ങള്‍ ചുമത്തിയാണ്‌ കേസ്‌ രജിസ്‌റ്റര്‍ ചെയ്‌തിട്ടുള്ളത്‌. ഇന്നലെ രാവിലെ തിരുവനന്തപരുത്തേക്ക്‌ വന്ന ജയന്തി ജനത എക്‌സ്പ്രസിലായിരുന്നു സംഭവം. ഈ രണ്ട്‌ മുതിര്‍ന്ന ഉദ്യോഗസ്‌ഥരും സ്ലീപ്പര്‍ ക്ലാസില്‍ യാത്ര ചെയ്യുകയായിരുന്നു. ഇതിനിടെയാണ്‌ സ്‌പെഷ്യല്‍ സ്‌ക്വാഡ്‌ ഈ കമ്പാര്‍ട്ട്‌മെന്റില്‍ പരിശോധന നടത്താനായി എത്തിയത്‌. സ്‌ക്വാഡിലെ ഉദ്യോഗസ്‌ഥ ദേവസ്വം ബോര്‍ഡ്‌ ഉദ്യോഗസ്‌ഥര്‍ ഉള്‍പ്പെടെയുള്ള യാത്രക്കാരോട്‌ ടിക്കറ്റ്‌ ആവശ്യപ്പെട്ടു. ഇവര്‍ നല്‍കിയ ടിക്കറ്റ്‌ സീസണ്‍ ടിക്കറ്റായിരുന്നു. ഇതുപയോഗിച്ച്‌ സ്ലീപ്പര്‍ കോച്ചില്‍ യാത്ര ചെയ്യാന്‍ കഴിയില്ലെന്നും അടുത്ത സ്‌റ്റേഷനില്‍ വച്ച്‌ കോച്ച്‌ മാറിക്കയറണമെന്നും സ്‌പെഷ്യല്‍ ഇന്‍സ്‌പെക്ഷന്‍ ടീം ആവശ്യപ്പെട്ടു. എന്നാല്‍ ഇതനുസരിക്കാതെ ഇന്‍സ്‌പെക്ഷന്‍ ടീമിനോട്‌ കയര്‍ക്കുകയാണ്‌ ചെയ്‌തതെന്ന്‌ റെയില്‍വേ പോലീസ്‌ പറഞ്ഞു. തുടര്‍ന്ന്‌ ഇവര്‍ക്ക്‌ പിഴ ചുമത്തി രസീത്‌ നല്‍കി. എന്നാല്‍ പിഴ അടയ്‌ക്കാന്‍ ഇവര്‍ തയാറായില്ല. മാത്രമല്ല വനിതാ ടി.ടി.ആറിനോട്‌ മോശമായി പെരുമാറുകയും ചെയ്‌തുവെന്ന്‌ റെയില്‍വേ പോലീസ്‌ പറഞ്ഞു. മറയൂരിലെ മുനിയറകള്‍ തകര്‍ത്ത്‌ വേലിക്കല്ലുകളാക്കി വില്‍ക്കുന്നു മൂന്നാര്‍: അയ്യായിരത്തിലേറെ വര്‍ഷം പഴക്കമുള്ള, മറയൂരിലെ മുനിയറകള്‍ തകര്‍ത്തു വേലിക്കല്ലുകളാക്കി വില്‍ക്കുന്നു. മറയൂര്‍ ഹൈസ്‌കൂളിനു സമീപത്തെ മുരുകന്‍ പാറയിലെ മുനിയറകളാണു കഴിഞ്ഞ ദിവസം മുതല്‍ വേലിക്കല്ലാക്കി കടത്തുന്നത്‌. ശിലായുഗ ജനത വീടായും കല്ലറകളായും ഉപയോഗിച്ചുവന്നിരുന്ന മുനിയറകളുടെ ശേഖരം തന്നെ മറയൂര്‍, കാന്തല്ലൂര്‍ മേഖലയിലുണ്ട്‌. കരിങ്കല്‍ പാളികള്‍ കൊണ്ട്‌ മൂന്നുവശവും മേല്‍ഭാഗവും മൂടിയ ചെറിയ വീടുകളാണു മുനിയറകള്‍. ചിലത്‌ ഒന്നിലേറെ മുറികളുള്ളതുമാണ്‌. അതിപുരാതന ജനങ്ങളുടെ സംസ്‌കാരം സംബന്ധിച്ചു വിലപ്പെട്ട വിവരങ്ങള്‍ നല്‍കാന്‍ കഴിയുന്ന മുനിയറകള്‍ സംരക്ഷിക്കുമെന്ന്‌ അധികൃതര്‍ ആവര്‍ത്തിക്കാറുണ്ടെങ്കിലും ഇരുപതു വര്‍ഷത്തിനുള്ളില്‍ ഇവയുടെ എണ്ണം നാമമാത്രമായി ചുരുങ്ങി. മുരുകന്‍ പാറയുടെ ജനശ്രദ്ധ പതിയാത്ത ഭാഗത്തെ മുനിയറകളാണ്‌ ഇപ്പോള്‍ തകര്‍ത്തിരിക്കുന്നത്‌. ഇവിടെ അന്‍പതോളം മുനിയറകളുണ്ട്‌. ഇപ്പോള്‍ തന്നെ പതിനഞ്ചോളം എണ്ണം നശിപ്പിച്ചുകഴിഞ്ഞു. കനംകുറഞ്ഞ പലകപോലെ കീറിയെടുത്തിട്ടുള്ള പാറകള്‍ വേലിക്കല്ലുകള്‍ ആക്കാന്‍ എളുപ്പമുള്ളതാണു വ്യാപാര ലോബിയെ ഇവിടേക്ക്‌ ആകര്‍ഷിക്കുന്നത്‌. രാത്രിയും രാവിലെയുമായിട്ടാണു മുനിയറകള്‍ തകര്‍ക്കുന്നത്‌. വേലിക്കല്ലുകള്‍ രാത്രിയില്‍ ലോറിയില്‍ കയറ്റി തമിഴ്‌നാട്ടിലേക്കും മൂവാറ്റുപുഴ ഭാഗത്തേക്കുമാണു കടത്തുന്നത്‌. റിയല്‍ എസ്‌റ്റേറ്റ്‌ കച്ചവടക്കാര്‍ പ്ലോട്ടുകള്‍ തിരിക്കാനാണു വേലിക്കല്ലുകള്‍ കൂടുതലായി ഉപയോഗിക്കുന്നത്‌. ഇവരുടെ തന്നെ ജോലിക്കാരാണു പാറപൊട്ടിക്കലിനു പിന്നിലെന്നറിയുന്നു. (a mangalam report) വിഷവാതകം ശ്വസിച്ച്‌ 17 സ്‌ത്രീത്തൊഴിലാളികള്‍ ആശുപത്രിയില്‍ ആലപ്പുഴ: സുഗന്ധവ്യഞ്‌ജനം കയറ്റുമതിചെയ്യുന്ന കമ്പനിയില്‍ കീടങ്ങളെ നശിപ്പിക്കാന്‍ അടിച്ച വിഷവാതകം ശ്വസിച്ച്‌ 17 സ്‌ത്രീത്തൊഴിലാളികള്‍ അവശനിലയില്‍ ആശുപത്രിയില്‍. ഇന്നലെ രാവിലെ എട്ടോടെയാണ്‌ സംഭവം. ഇതില്‍ ഒരാളുടെ നില ഗുരുതരമായതിനാല്‍ തീവ്രപരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്‌. ഇവരെകൂടാതെ ആറോളം പേരെയും ആശുപത്രിയില്‍ പ്രവേശിപ്പിച്ചെങ്കിലും പ്രാഥമിക ചികില്‍സയ്‌ക്കു ശേഷം വിട്ടയച്ചു. കീടങ്ങളെയും മറ്റും ഒഴിവാക്കുന്നതിനും ഉല്‍പ്പന്നങ്ങള്‍ കേടുകൂടാതെ സൂക്ഷിക്കുന്നതിനുമായി ഉപയോഗിക്കുന്ന മീഥൈല്‍ ബ്രോമൈഡ്‌ ആണ്‌ അസ്വസ്‌ഥതയുണ്ടാക്കിയ രാസവസ്‌തു. മൂന്നുമാസം കൂടുമ്പോള്‍ കമ്പനി അടച്ചിട്ട്‌ ഇത്‌ പ്രയോഗിക്കാറുണ്ടെന്ന്‌ എച്ച്‌.ആര്‍. വിഭാഗം മാനേജര്‍ ബെന്നി പറഞ്ഞു. പെസ്‌റ്റ് കണ്‍ട്രോള്‍ ഓഫ്‌ ഇന്‍ഡ്യയുടെ കൊച്ചി യൂണിറ്റില്‍ നിന്നാണ്‌ ഇത്‌ ചെയ്യുന്നത്‌. മീഥൈല്‍ ബ്രോമൈഡ്‌ സ്‌പ്രേ ചെയ്‌ത് നിശ്‌ചിത സമയത്തിനു ശേഷം ഇവര്‍ തന്നെ ഇത്‌ വൃത്തിയാക്കി ക്ലിയറന്‍സ്‌ സര്‍ട്ടിഫിക്കറ്റ്‌ നല്‍കിയശേഷമാണ്‌ വീണ്ടും കമ്പനി തുറന്നു പ്രവര്‍ത്തിക്കുന്നത്‌്. ഇതുപ്രകാരം ശനിയാഴ്‌ച കമ്പനി അടച്ചിട്ട്‌ രാസവസ്‌തു സ്‌പ്രേ ചെയ്യുകയും ഞായറാഴ്‌ച തുടര്‍നടപടികള്‍ പൂര്‍ത്തിയാക്കി ക്ലിയറന്‍സ്‌ സര്‍ട്ടിഫിക്കറ്റ്‌ നല്‍കുകയും ചെയ്‌തിരുന്നു. ഇന്നലെ രാവിലെ തൊഴിലാളികള്‍ എത്തി ജോലി ആരംഭിച്ചപ്പോള്‍ ചുമയും കണ്ണില്‍ നീറ്റലും മറ്റും അനുഭവപ്പെടുകയായിരുന്നു. കമ്പനി 24 മണിക്കൂറും പ്രവര്‍ത്തിക്കുന്നതിനെതിരെ നാട്ടുകാര്‍ മലിനീകരണ നിയന്ത്രണബോര്‍ഡിനും തുടര്‍ന്ന്‌ മനുഷ്യാവകാശകമ്മിഷനും പരാതി നല്‍കിയിരുന്നതായി സമീപവാസികള്‍ പറയുന്നു . 10,000 രൂപ കൈക്കൂലി വാങ്ങുന്നതിനിടെ വില്ലേജ് ഓഫീസര്‍ പിടിയില്‍ Posted on: 20 Jul 2010 പയ്യന്നൂര്‍:കൈക്കൂലി വാങ്ങുന്നതിനിടെ വില്ലേജ് ഓഫീസറെ വിജിലന്‍സ് പിടികൂടി. പയ്യന്നൂര്‍ വില്ലേജ് ഓഫീസര്‍ കാങ്കോല്‍ സ്വദേശി കെ.എം.ബാബുരാജിനെയാണ് വിജിലന്‍സ് ഡിവൈ.എസ്.പി. ജയപ്രസാദ്, സി.ഐ. എ.വി.പ്രദീപ് എന്നിവരുടെ നേതൃത്വത്തിലുള്ള ആന്റി കറപ്ഷന്‍ ബ്യൂറോ പിടികൂടിയത്. തിങ്കളാഴ്ച വൈകീട്ട് മൂന്നുമണിയോടെയാണ് സംഭവം. കേളോത്തെ ഒരു കെട്ടിടത്തിന് മുകളില്‍ മുറികള്‍ പണിയുന്നതിന് ഉടമ നഗരസഭയില്‍ പെര്‍മിറ്റിന് അപേക്ഷിച്ചിരുന്നു. എന്നാല്‍ സ്ഥലം പരിശോധിച്ച് വില്ലേജ് ഓഫീസറുടെ റിപ്പോര്‍ട്ടുമായി വരാന്‍ നഗരസഭാ അധികൃതര്‍ ആവശ്യപ്പെട്ടു. ഇതേത്തുടര്‍ന്ന് ഉടമ വില്ലേജ് ഓഫീസറെ സമീപിച്ചപ്പോള്‍ 10,000 രൂപ കൈക്കൂലിയായി ആവശ്യപ്പെട്ടു. ഈ വിവരം വിജിലന്‍സിനെ അറിയിക്കുകയായിരുന്നു. ഇതേത്തുടര്‍ന്ന് ഫിനോഫ്തലിന്‍ പുരട്ടിയ 8,000 രൂപ വില്ലേജ് ഓഫീസര്‍ക്ക് കെട്ടിട ഉടമ നല്കുന്നതിനിടയിലാണ് പിടിയിലായത്. (a mathrubhumi report) അമ്മയും കുഞ്ഞും കിടപ്പുമുറിയില്‍ മരിച്ചനിലയില്‍ അങ്കമാലി: അമ്മയെയും രണ്ടുവയസുള്ള പെണ്‍കുഞ്ഞിനെയും വീടിനുള്ളില്‍ മരിച്ചനിലയില്‍ കണ്ടെത്തി. കുഞ്ഞിനെ ചുരിദാര്‍ ഷാളുകൊണ്ട് കഴുത്തുമുറുക്കി കൊലപ്പെടുത്തിയശേഷം അമ്മ അതേ ഷാളില്‍ തൂങ്ങിമരിച്ചതാണെന്ന് സംശയിക്കുന്നു. മൂക്കന്നൂര്‍ എരപ്പ് മാടശ്ശേരി വീട്ടില്‍ ലാല്‍ജുവിന്റെ ഭാര്യ ബിജി (33), ഇളയ മകള്‍ അന്ന എന്നിവരാണ് മരിച്ചത്. തിങ്കളാഴ്ച ഉച്ചയ്ക്ക് 2 മണിയോടെയാണ് മരണവിവരം അറിയുന്നത്. വീട്ടില്‍ മറ്റാരും ഇല്ലാതിരുന്ന സമയത്താണ് സംഭവം. കിടപ്പുമുറിയിലെ മച്ചിലേക്ക് കയറുന്നതിനുള്ള മരഗോവണിയില്‍ തൂങ്ങിമരിച്ചനിലയിലായിരുന്നു ബിജി. ഈ മുറിയുടെ കിഴക്കുഭാഗത്തായി കട്ടിലിനുതാഴെയാണ് കുഞ്ഞിന്റെ മൃതദേഹം കിടന്നിരുന്നത്. സാമ്പത്തിക പരാധീനതയാണ് മരണകാരണമെന്ന് അങ്കമാലി പോലീസ് പറഞ്ഞു. മൂത്തമകള്‍ റോസ്‌മോള്‍ ബിജിയുടെ വീട്ടില്‍ പോയിരിക്കുകയായിരുന്നു. അങ്കമാലിയിലെ പ്രിന്റിങ് പ്രസിലെ ജീവനക്കാരനായ ലാല്‍ജു ജോലിക്കായി പോയിരുന്നു. ലാല്‍ജുവിന്റെ അച്ഛന്‍ പൗലോസും അമ്മ ത്രേസ്യാമ്മയും മൂക്കന്നൂരിലെ ബാങ്കിലേക്കും പോയി. വായ്പാകുടിശ്ശിക തിരിച്ചടക്കുന്നതിനും വായ്പ പുതുക്കിവയ്ക്കുന്നതിനുമാണിവര്‍ ബാങ്കില്‍ പോയിരുന്നത്. ഇവര്‍ തിരിച്ചെത്തിയപ്പോഴാണ് ബിജിയും കുഞ്ഞും മരിച്ചുകിടക്കുന്നതായി കാണുന്നത്. പലവട്ടം വിളിച്ചിട്ടും വാതില്‍ തുറക്കാതിരുന്നതിനെത്തുടര്‍ന്ന് വാതില്‍ പൊളിച്ച് അകത്തുകടന്നപ്പോഴാണ് മൃതദേഹങ്ങള്‍ കാണുന്നത്. (a mathrubhumi repo rt) 28 വയസ്സിനുള്ളില്‍ 39 കേസില്‍ ശിക്ഷ; വീണ്ടും പിടിയില്‍ Posted on: 20 Jul 2010 ഒല്ലൂര്‍: തമിഴ്‌നാട്, കേരളം, കര്‍ണാടക സംസ്ഥാനങ്ങളില്‍ നൂറോളം കേസുകളുള്ള അന്തഃസംസ്ഥാന വാഹനമോഷണസംഘത്തിലെ പ്രധാനപ്രതി ഒല്ലൂര്‍ പോലീസിന്റെ പിടിയിലായി. തിരുവനന്തപുരം പൂജപ്പുര തമലം ദേശത്ത് സമ്പത്ത് വീട്ടില്‍ ബാബുരാജ് (സതീഷ്ബാബു-28) ആണ് പിടിയിലായത്. 39 കേസുകളില്‍ ശിക്ഷയനുഭവിച്ചിട്ടുള്ള ഇയാള്‍ സോഡ ബാബു എന്ന പേരിലാണ് അറിയപ്പെട്ടിരുന്നത്. ഒല്ലൂര്‍ പള്ളിയില്‍ ഭണ്ഡാരമോഷണത്തിന് ശ്രമിക്കുന്നതിനിടയില്‍ പി.ആര്‍. പടി പരിസരത്തുനിന്നാണ് പിടിയിലായത്. പ്രതിയെ കീഴ്‌പ്പെടുത്തുന്നതിനിടെ ഒരു പോലീസുകാരന് പരിക്കേറ്റു. സ്റ്റേഷനിലെത്തി ചോദ്യംചെയ്തപ്പോഴാണ് ഇയാളുടെ നേതൃത്വത്തില്‍ നടത്തിയ ആക്രമണപരമ്പരകളുടെ ചുരുളഴിഞ്ഞത്. വര്‍ഷങ്ങളോളം ജയില്‍ശിക്ഷ അനുഭവിച്ചുവരുന്നതിനിടയില്‍ 2009ലാണ് ജാമ്യത്തിലിറങ്ങിയത്. ജയിലില്‍ പരിചയപ്പെട്ട കൂട്ടുപ്രതിയായ സാബുവിനൊപ്പം ചേര്‍ന്ന് മൂന്നുമാസംമുമ്പ് തിരുവനന്തപുരം മെഡിക്കല്‍ കോളേജ് പരിസരത്തുനിന്ന് മോഷ്ടിച്ച ബൈക്ക് തൃശ്ശൂരിലെത്തി വില്‍ക്കാന്‍ ശ്രമിക്കുന്നതിനിടെ പോലീസിന്റെ പിടിയിലായിട്ടുണ്ട്. ഈ ബൈക്കും പോലീസ് കസ്റ്റഡിയിലെടുത്തു. ഒല്ലൂരില്‍ പെട്രോള്‍ പമ്പ് ജീവനക്കാരനെ ആക്രമിച്ച് തലയ്ക്കടിച്ച് പരിക്കേല്പിച്ച് പണം കവര്‍ന്ന കേസിലും ഇയാള്‍ ഉള്‍പ്പെട്ടിരുന്നു. ആ കേസില്‍ പോലീസിന് പിടികൂടാന്‍ കഴിഞ്ഞിരുന്നില്ല. തിരുവനന്തപുരത്ത് ആര്യങ്കോട് മൈലാച്ചല്‍ ദേശത്ത് കൃഷ്ണന്‍ നായരെ സ്വര്‍ണ്ണക്കട പൂട്ടിവരുമ്പോള്‍ ബാബുരാജും നാല് കൂട്ടുകാരും രണ്ട് ബൈക്കുകളിലായി വന്ന് തടഞ്ഞുനിര്‍ത്തി വെട്ടി സ്വര്‍ണ്ണവും 1,42,000 രൂപയും കവര്‍ച്ച ചെയ്തിരുന്നു. തിരുവനന്തപുരത്തെ മാറനെല്ലൂര്‍ എന്ന സ്ഥലത്ത് ശ്രീചക്രാ ചിറ്റ് ഫണ്ട്, ത്രിവേണി ഫൈനാന്‍സ് എന്നിവിടങ്ങളില്‍ കയറി കത്തികാണിച്ച് ഉടമസ്ഥനെ ഭീഷണിപ്പെടുത്തി കയ്യിലും സ്ഥാപനത്തിലുമുണ്ടായിരുന്ന 52,000 രൂപയും സ്വര്‍ണ്ണവും കവര്‍ച്ചചെയ്തതായും പോലീസ് പറഞ്ഞു. പൂജപ്പുര, നെയ്യാറ്റിന്‍കര, തിരുവല്ല, കാട്ടാക്കട, വഞ്ചിയൂര്‍, ചാലക്കുടി, വട്ടപ്പാറ, ശ്രീകാര്യം, കന്യാകുമാരി തുടങ്ങിയ ഒട്ടേറെ സ്റ്റേഷനുകളിലും അന്യസംസ്ഥാനങ്ങളിലും ഇയാള്‍ക്കെതിരെ അനേകം കേസുകള്‍ നിലവിലുണ്ട്. ഒല്ലൂര്‍ സിഐ എം. കൃഷ്ണന്‍, സി.ഐ. സലീഷ് എന്‍. ശങ്കരന്‍ എന്നിവരുടെ നേതൃത്വത്തിലുള്ള അന്വേഷണസംഘത്തില്‍ ഹെഡ്‌കോണ്‍സ്റ്റബിള്‍മാരായ അന്‍സാര്‍, ലക്ഷ്മണന്‍, പോലീസുകാരായ ഗോപാലകൃഷ്ണന്‍, സോമന്‍, റഷീദ്, ഡ്രൈവര്‍ രാജീവ് എന്നിവരുമുണ്ടായിരുന്നു. സര്‍ക്കാര്‍ വക തമാശകള്‍ ]me¡mSv: ]me¡mSv IfIvStdänsâ sshZypXn_Ôw sI.Fkv.C._n hntÑZn¨p. Ignª aq¶v amks¯ IpSninI AS¡m¯Xn\memWv \S]Sn. \qdne[nIw Hm^okpIÄ {]hÀ¯n¡p¶ IfIvt{Sän \n¶v \mev e£¯ne[nIw cq]bmWv IpSninI hcp¯nbncn¡p¶Xv. sshZypXn _Ôw ]p\Øm]n¡m³ \S]Sn Bcw`n¨Xmbn F.Un.Fw Adnbn¨p.