മെക്‌സിക്കോയില്‍ മണ്ണിടിച്ചില്‍ 900 പേര്‍ മരിച്ചതായി റിപ്പോര്‍ട്ട്
Posted on: 28 Sep 2010
മെക്‌സിക്കോസിറ്റി: മെക്‌സിക്കോയില്‍ കനത്ത മഴയില്‍ മലയിടിഞ്ഞ് 300 ഓളം വീടുകള്‍ മണ്ണിനടിയിലായി. 900 പേര്‍ മരിച്ചതായാണ് റിപ്പോര്‍ട്ട്. കനത്ത മഴയും വെള്ളപ്പൊക്കവും മൂലം ഒവാക്‌സാക്കയിലാണ് ദുരന്തമുണ്ടായത്. മലയുടെ 200 മീറ്ററോളം ഭാഗം തകര്‍ന്നുവീഴുകയാണുണ്ടായത്. എന്നാല്‍ 1000 ത്തോളം പേര്‍ മരിച്ചിട്ടുണ്ടാകുമെന്ന് മെക്‌സിക്കന്‍ പ്രാദേശിക ചാനല്‍ ടെലിവിസ റിപ്പോര്‍ട്ട് ചെയ്യുന്നു. ആറ് മണിക്കൂറായി ഈ പ്രദേശത്ത് രക്ഷാപ്രവര്‍ത്തനം നടക്കുകയാണെന്ന് സ്റ്റേറ്റ് ഗവര്‍ണര്‍ ഉലീസെസ് റിയൂസ് പറഞ്ഞു. എന്നാല്‍ ഈ മേഖലയിലേക്ക് എത്തിപ്പെടാനുള്ള ബുദ്ധിമുട്ട് രക്ഷാപ്രവര്‍ത്തനത്തെ വൈകിച്ചെന്നാണ് റിപ്പോര്‍ട്ട്. ഒവാക്‌സാക്ക, ചിയാപാസ്, പുബ്ലെല തുടങ്ങിയ മേഖലകളെ വെള്ളപ്പൊക്കവും മണ്ണിടിച്ചിലും സാരമായി ബാധിച്ചു.
No comments:
Post a Comment