| ടൂറിസം വികസനം: യുവര്‍ മൊമന്റ്‌ ഈസ്‌ വെയിറ്റിങ്‌ ലണ്ടനില്‍ പ്രദര്‍ശിപ്പിച്ചു |
| ലണ്ടന്‍: കേരളടൂറിസത്തെ പുതിയ ഉയരങ്ങളിലെത്തിക്കുക എന്ന ലക്ഷ്യത്തോടെ തയ്യാറാക്കിയ പരസ്യചിത്രം യുവര്‍ മൊമന്റ്‌ ഈസ്‌ വെയിറ്റിംഗിന്റെ ഉദ്‌ഘാടന പ്രദര്‍ശനം ലണ്ടനിലെ സാച്ചി ഗ്യാലറിയില്‍ നടന്നു. മേഹാന്‍ലാല്‍, ദേവ്‌ പട്ടേല്‍, ഫുട്‌ബോള്‍ താരം ദിദിയര്‍ ദ്രോഗ്‌ബ തുടങ്ങി നൂറ്റമ്പതോളം വരുന്ന ക്ഷണിക്കപ്പെട്ട അതിഥികള്‍ക്ക്‌ മുമ്പിലാണ്‌ പ്രശസ്‌ത പരസ്യചിത്ര സംവിധായകന്‍ പ്രകാശ്‌ വര്‍മ്മ സംവിധാനം ചെയ്‌ത മൂന്നു മിനിട്ട്‌ ചിത്രം പ്രദര്‍ശിപ്പിച്ചത്‌. ഇവര്‍ക്കു പുറമേ സാഡി ഫ്രോസ്‌റ്റ്, യാസ്‌മിന്‍സൈമണ്‍ ലിബോണ്‍, ഗാരി ലിനേക്കര്‍, ഭാര്യ ഡാനിയേല, ബ്രിട്ടീഷ്‌ പാര്‍ലമെന്റ അംഗങ്ങളായ സ്വരാജ്‌ പോള്‍, കീത്ത്‌ വാസ്‌ ,റോളിംഗ്‌ സ്‌റ്റോണിലെ പ്രധാന ഗായകന്‍ മാക്ക്‌ ജാണ്മറിന്റെ മകള്‍ ജെയ്‌ഡ് ജാണ്മര്‍, 400 മീറ്റര്‍ ഒളിംപിക്‌സ് ഗോള്‍ഡ്‌ മെഡല്‍ ജേതാവ്‌ ക്രിസ്‌റ്റീന്‍ ഒഹ്‌റോഗു തുടങ്ങി നിരവധി താരങ്ങള്‍ ചടങ്ങിനെത്തിയിരുന്നു. ചടങ്ങിനോടനുബന്ധിച്ച്‌ ഫ്രാന്‍സില്‍ നിന്നുള്ള കോറിന്‍ മാഥോ, ജര്‍മനിയില്‍ നിന്നുള്ള ഹാര്‍ട്ട്‌മുട്ട്‌ ഷ്‌മിറ്റ്‌ എന്നിവരുടെ മോഹിനിയാട്ടവും ഓട്ടന്‍ തുള്ളലും ഉണ്ടായിരുന്നു. കേരള ടൂറിസം ഡയറക്‌ടര്‍ എം.ശിവശങ്കരന്‍, ടൂറിസം സെക്രട്ടറി എം.വേണു എന്നിവര്‍ ചടങ്ങിന്‌ നേതൃത്വം നല്‍കി. തിരുവനന്തപുരത്തെ സ്‌റ്റാര്‍ക്ക്‌ കമ്യൂണിക്കേഷനാണ്‌ പരസ്യചിത്രം ഒരുക്കിയത്‌.തേക്കടി, ആലപ്പുഴ, മൂന്നാര്‍, തലശ്ശേരി, കണ്ണൂര്‍ എന്നിവിടങ്ങളിലാണ്‌ ചിത്രം ഒരുക്കിയത്‌. ജൂലിയ റോബര്‍ട്‌സ് അഭിനയിക്കുന്ന ഈറ്റ്‌ പ്രേ ആന്റ്‌ ലൗ എന്ന ചിത്രം പ്രദര്‍ശിപ്പിക്കുന്ന ബ്രിട്ടനിലെ തിയേറ്ററുകളിലും സി.എന്‍.എന്‍ യൂറോപ്പ്‌ ചാനല്‍ വഴി യൂറോപ്പിലും ഈ പരസ്യ ചിത്രം ഉടന്‍ പ്രദര്‍ശിപ്പിക്കും. (mangalam) |
Thursday, September 23, 2010
Kerala Tourism
Subscribe to:
Post Comments (Atom)
No comments:
Post a Comment