| ഗാര്‍ഹികോപകരണങ്ങള്‍ തവണ വ്യവസ്‌ഥയില്‍ നല്‍കാമെന്നേറ്റ്‌ തട്ടിപ്പ്‌: ആറംഗസംഘം പിടിയില്‍ |
| കൊച്ചി: ഗാര്‍ഹികോപകരണങ്ങള്‍ തവണ വ്യവസ്‌ഥയില്‍ നല്‍കാമെന്നു പറഞ്ഞു പണം തട്ടിയ ആറംഗ സംഘത്തെ സിറ്റി ഷാഡോ പോലീസ്‌ പിടികൂടി. തൃശൂര്‍ ചെറുതുരുത്തി സ്വദേശികളായ ആറംഗ സംഘത്തെയാണു ഡപ്യൂട്ടി പോലീസ്‌ കമ്മിഷണര്‍ ഷംസു ഇല്ലിക്കലിന്റെ നേതൃത്വത്തിലുള്ള സംഘം പിടികൂടിയത്‌. നെടുമ്പ്രം സ്വദേശികളായ ചിറ്റാത്തയ്യില്‍ സുധീര്‍(33), ചിറപ്പറമ്പില്‍ ബഷീര്‍ എന്ന അനീഷ്‌ (30), കിഴക്കേതില്‍ ഷംസുദീന്‍ (29), കോട്ടപ്പറമ്പില്‍ പ്രകാശന്‍ (24), കിണറ്റിങ്കല്‍ വിമല്‍ (23), കുഴിക്കാട്ടില്‍ പ്രദീപ്‌ (35) എന്നിവരാണു പിടിയിലായത്‌. ഗാര്‍ഹികോപകരണ സ്‌ഥാപനങ്ങളിലെ എക്‌സിക്യൂട്ടീവുകള്‍ എന്ന വ്യാജേന വീടുകളിലെത്തി ആളുകളില്‍നിന്നും ആദ്യഗഡു തുക കൈപ്പറ്റിയശേഷം മുങ്ങുകയായിരുന്നു ഇവരുടെ പതിവ്‌. പദ്ധതിയില്‍ ചേരുന്നവര്‍ക്കു മിക്‌സി, കിടക്ക എന്നിങ്ങനെ ചില ഉപകരണങ്ങള്‍ സമ്മാനമായി നല്‍കുമെന്നു കാട്ടിയും ഇവര്‍ ആളുകളെ ആകര്‍ഷിച്ചിരുന്നു. ഒരിക്കല്‍ തട്ടിപ്പു നടത്തിയ സ്‌ഥലത്ത്‌ വീണ്ടും ചെല്ലാതെ പുതിയ സ്‌ഥലങ്ങളില്‍ സമാനരീതിയില്‍ തട്ടിപ്പു നടത്തിവരികയായിരുന്നു ഇവരെന്നും പോലീസ്‌ പറഞ്ഞു (mangalam). |
Wednesday, September 22, 2010
Subscribe to:
Post Comments (Atom)
No comments:
Post a Comment